DJI 0273

Laugargerðisskóli í Eyja og Miklaholtshreppi, auglýsir eftir íþróttakennara og umsjónarkennara á yngsta stigi. Um er að ræða fulla stöðu. Við leitum að skapandi og framsæknum kennara sem hefur áhuga á fjölbreyttum kennsluháttum og þróunarstarfi.

Laugargerðisskóli er fámennur en öflugur samrekinn leik og grunnskóli. Hann er um 50 km frá Borgarnesi og Stykkishólmi og er því vel í sveit settur. Hér nýtum við okkur jákvæðan aga og erum heilsueflandi skóli. Áhersla er á einstaklingsmiðaða kennsluhætti þar sem áhugi, frumkvæði og styrkleikar hvers eins eru nýttir í leik og starfi.

Gott samstarf er við aðra skóla, bæði á Snæfellsnesi og Borgarbyggð.

Á staðnum er gott íþróttahús og sundlaug auk dásamlega fallegrar náttúru. Löngufjörur eru rétt fyrir neðan skólann, Eldborg blasir við að ógleymdum öðrum gígum og formfögrum fjöllum Snæfellsness, ám og fossum.

Gott húsnæði er í boði á staðnum.

Kaup og kjör eru samkvæmt kjarasamningi Kennarafélags Íslands og samninganefnd sveitarfélaganna.

Umsóknarfrestur er til og með 20. apríl 2018 og skal skila rafrænt til skólastjóra. Í umsókninni skal koma fram helstu styrkleikar umsækjanda, áhugasvið og sýn hans á skólaþróun.

Nánari upplýsingar veitir skólastjóri í síma 8560465 eða í tölvupósti: skolastjori@laugargerdisskoli.is

Ingveldur Eiríksdóttir

Skólastjóri