N1 hefur nú opnað nýja sjálfsafgreiðslustöð við Breiðablik á sunnanverðu Snæfellsnesi með mjög góðri aðkomu fyrir bíla af öllum stærðum.
Auk eldsneytis er hægt að setja „Ad Blue“ á tankinn á sjálfsafgreiðslustöðinni við Breiðablik en þeim bifreiðum fjölgar hratt sem þurfa á því að halda og er þetta ein af fyrstu sjálfsafgreiðslustöðvum landsins til að bjóða þá þjónustu. Ad blue hefur það hlutverk að minnka loftmengun af völdum diesel og eru fjölmargar nýrri bifreiðar gerðar fyrir slíkt.
Á sama tíma og sjálfsafgreiðslustöðin við Breiðablik opnar hefur N1 nú lokað gömlu sjálfsafgreiðslustöðinni við Vegamót.