Deiliskipulag í Eyja- og Miklaholtshreppi
Stórikrókur – íbúðarbyggð
Hreppsnefnd Eyja- og Miklaholtshrepps samþykkti á fundi sínum 3. desember, 2020 að auglýsa
breytingu á deiliskipulagi Stórakróks í samræmi við 1. mgr. 43. gr. skipulagslaga nr. 123/2010 og
var hún auglýst 19. desember, 2020. Vegna formgalla er hún nú auglýst að nýju.
Helstu breytingar eru að öll húsin verða heilsárshús, leyfðar verða manir og hleðslur til
skjólmyndunar og byggingarreitur nr. 6 er stækkaður. Auk þess eru breytingar gerðar á
byggingarskilmálum er varða heildargrunnflöt bygginga, nýtingarhlutfall, gróðurhús og sólpalla,
byggingarefni, þakhalla, mænisstefnu, hæð o.fl.
Tillagan verður til sýnis á heimasíðu sveitarfélagsins www.eyjaogmikla.is og í félagsheimilinu
Breiðabliki. Tillagan var auglýst 15. júní sl. með athugasemdafresti til og með 29. júní, 2022 og er
sá frestur nú framlengdur til 29. júlí, 2022. Athugasemdir skulu sendar á netfangið
skipulag.eyjaogmikla@gmail.com .
Breiðablik, 27. júní, 2022.
Kristín Þorleifsdóttir, skipulagsfulltrúi