Söðulsholt er fyrsta býli vestan Núpár, sunnan þjóðvegar. Húsin eru í hvarfi frá þjóðvegi undir klettaborgum.

Landið liggur meðfram Núpá inn í Núpudal.

Vetrarbeit er góð og niðurlandið er grösugt og gott til ræktunar.

Árið 1998 kaupir núverandi eigandi, Einar Ólafsson, jörðina og hefur stundað þar hrossarækt, skógrækt, línrækt og nú síðast byggrækt.

Hestamiðstöðin Söðulsholt er aðskilin frá rekstri jarðarinnar Söðulsholt ehf, en Hestamiðstöðina reka þau Halldór Sigurkarlsson og Iðunn Silja Svansdóttir og búa þau í Hrossholti.

Hestamiðstöðin Söðulsholt heldur úti heimasíðu sem má sjá hér

Heimildir:

Byggðir Snæfellsness 1977 bls 277

Loftmynd Mats.is

Ábúendur:

Einar Ólafsson

Jörðin liggur neðan Miklaholts að sjó suðaustast í Miklaholtshrepp. Meðfram sjónum eru þurrir bakkar og gott ræktunarland og beitiland. Land jarðarinnar er fremur stórt.

Sjóbúðir voru fyrr á árum í Skógarneshólma. 1712 voru þar 7 íbúðir. Í hólmanum var og verslunarstaður alllengi. Sjást þar enn steyptir grunnar verslunar og íbúðarhúsa. Þar rak Tang og Riis verslunarútibú og var Ólafur Blöndal síðasti stjórnandi þess. Verslunin hætti 1922 og húsin rifin um 1933 og flutt að Vegamótum.

Heimildir

Byggðir Snæfellsness 1977 bls 308

Loftmynd Mats.is

Jörðin liggur sunnan í Lágafellshyrnu, vestan Hofstaða. Sunnan Ytra-Lágafells. Sumt af landinu eru mýrar með klapparholtum en fjalllendi sunnan í hyrnunni.

Landið er lítið og heldur erfitt til ræktunar.

Heimildir

Byggðir Snæfellsness 1977 bls 312

Ábúendur:

Syðra-Lágafell 1 Fór í eyði 1967

Á Syðra-Lágafelli 2 búa Áslaug Sigvaldadóttir, Þórður Runólfsson og Helga Þórðardóttir

Jörðin liggur austan Kleifárvalla að Laxá neðan frá Grafarlandi og upp að gili, sem kemur úr Hafursfelli að austan, Núpugili. Undirlendið er mýri og er að nokkru austan mæðuveikisgirðingar sem liggur frá Skógarnesi í Álftafjörð. Fjalllendið er sæmilegt sumarland. Lítilsháttar veiði er í Laxá.

Í dag er sumarbústaðarbyggði í landi Svarfhóls

Heimildir:

Byggðir Snæfellsness 1977 bls 311

Ábúendur:

Fór í eyði 1963

Jörðin liggur milli ánna Grímsár að austan og Straumfjarðarár að vestan. Að norðan eru landamerki við þjóðveginn á Langholti.

Landið er blautt mýrlendi með klapparásum. Móar eru sunnanvert í Langholti, auðveldir til ræktunar. Annað ræktunarland þarfnast framræslu.

Landið er talið gott sauðbeitarland, en fremur lítið.

Heimildir:

Byggðir Snæfellsness 1977 bls 287

Loftmynd Mats.is