Straumfjarðartunga

Jörðin liggur milli ánna Grímsár að austan og Straumfjarðarár að vestan. Að norðan eru landamerki við þjóðveginn á Langholti. Landið er blautt mýrlendi með klapparásum. Móar eru sunnanvert í Langholti, auðveldir til ræktunar. Annað ræktunarland þarfnast framræslu. Landið er talið gott sauðbeitarland, en fremur lítið. Heimildir: Byggðir Snæfellsness 1977 bls 287 Loftmynd Mats.is

Stórikrókur 5

Bassastaðir og Snæfellsjökull

Stórikrókur í landi Miðhrauns 2 er deiliskipulagt svæði fyrir 8 lóðir ýmist ætlaðar undir frístunda- og/ eða íbúðarhús. Svæðið er í eigu 8  barna Guðmundar Þórðarsonar og Önnu Sesselju Þórðardóttur frá Miðhrauni. Hafist var handa við byggingu íbúðarhúss að Stórakróki 5 í júní 2009 og lauk byggingu ári síðar. Í júlí 2010 flutti svo Þórður […]

Stóra-Þúfa

Jörðin liggur austan við Laxá á móti neðanverðu landi Svarfhóls, og til suðurs á móti Litlu-Þúfu og Miklaholtslandi. Landið er allt mýrlendi og sæmilega auðvelt í framfærlu og ræktun. Hús eru við þjóðveg. Lítilsháttar laxveiði er í Laxá. Mæðiveikisgirðing liggur um austurhluta jarðarinnar og þrengir nokkuð að. Heimildir: Byggðir SNæfellsness 1977 bls 303 Loftmynd Mats.is

Stakkhamar

Stakkhamar liggur að sjó vestan Straumfjarðarár, stærsti hluti hennar er mjög blaut mýri og er hluti hennar í svonefndum Glámsflóa. Sunnanvert við túnið, sem er vestast í landinu liggur Stakkhamarsnes til suðausturs út í sjóinn. Það er allt þurrt valllendi þar sem sjór fellur ekki yfir, en annað er sandur. Jörðin á veiði í Straumfjarðará, […]

Skógarnes ytra

Jörðin liggur að sjó austan Straumfjarðará, neðan Laxárbakka og Miklaholts. landið er að mestu mýri með klapparásum, erfitt til ræktunar. Meðfram sjó eru nokkrar fitjar og sjávarbakkar með valllendisgróðri. Gengur sjór yfir land þetta um stórstraum. landrými er mikið. laxveiði er lítilsháttar. Einnig æðarvarp. Heimilldir: Byggðir Snæfellsness 1977 bls 312 Ábúendur: Fór í eyði 1946