Jörðin liggur vestan Straumfjarðarár norðan Hofstaðalands en samhliða því að vestan og nær norður að Vallnaá.

Landið er sumpart blautar brokmýrar með kjarrivöxnum ásum og holtum, og hinsvegar brekkur sumpart kjarrivaxnar austan í Hofstaðahálsi.

Ræktunarland þarf að ræsa að mestu leyti og er framræsla heldur erfið. Landið er gott sauðland vetur og sumar

Gunnar Sturluson rekur á jörðinni hrossabú og tamningastöð, Hrísdalshesta sf.

Siguroddur Pétursson og kona hans Ásdís Ólöf Sigurðardóttir annast daglegan rekstur á búinu og stunda tamningar.

Heimasíðu Hrísdalhesta má skoða hér

Heimildir:

Byggðir Snæfellsness 1977 bls 292

Loftmynd Mats.is

Jörðin er vestasta býli í Eyjarhreppi. Túnið var stutt sunnan þjóðvegar við enda Hafursfells. Landið er mest mýrar.

25. febrúar 1960 brann íbúðarhúsið til kaldra kola með húsamunum og fóðurmjöli. Síðan hefur jörðin verið nytjuð aðallega til hrossagöngu.

Heimildir:

Byggðir Snæfellsness 1977 bls 283

Ábúendur:

Í eyði

Holt er iðnaðar og þjónustubýli reist í landi Dals árið 1966. Það fyrsta í sveitinni.

Í dag er rekið Bifreiðaverkstæði – Innflutningsfyrirtæki á Holti. Heimasíðu fyrirtækissins má skoða hér.

Heimildir:

Byggðir Snæfellsness 1977 bls 309

Loftmynd Mats.is

Ábúendur:

Þorsteinn Sigurðsson og Ingun Hrefna Albertsdóttir

Hofsstaðir er sögu- og landmikil jörð eða um 1700 ha að stærð sem samanstendur af brokflóum, kjarrlendisásum og fjallendi sem nær inn að Baulárvallavatni.

Mikið ræktanlegt land er á Hofsstöðum, skjólgott og veðursælt.

Jörðin liggur að Straumfjarðará í austri, Borgarholt í suðri. Að vestanverðu liggur jörðin á móti Stekkjarvöllum, Syðra Lágafelli og Ytra Lágafelli.

Stundaður er sauðfjárbúskapur að Hofsstöðum og eru allt núna 530 fjár á fóðrum.

Tvö íbúðarhús eru á jörðinni, einn sumarbústaður, tvö fjárhús, tvær hlöður og verkfærageymsla.

Heimildir:

Byggðir Snæfellsness 1977 bls 291

Loftmynd Mats.is

Ábúendur:
Íbúar á Hofsstöðum eru Eggert Kjartansson, Katharina Kotschote, Ingibjörg Eggertsdóttir, Kristín Lára Eggertsdóttir og Elín Una Eggertsdóttir. Íbúar á Hofsstöðum II eru Kjartan Eggertsson og Soffía Guðjónsdóttir.
Eggert og Katharina
Ingibjörg og Kistín Lára
Soffía og Kjartan

Jörðin er 1/3 af landi Hjarðarfells og vísast til lýsingu þess. Nýbýlið var stofnað og byggt af Þorkeli Guðbjartssyni 1951.

Heimildir:

Byggðir Snæfellsness 1977 bls 296

Loftmynd Mats.is